Matvæla- og veitingagreinar
Nýr leiðtogi matvæla- og veitingagreina var ráðinn á starfsárinu, Steinn Óskar Sigurðsson matreiðslumeistari. Fræðslustarfið einkenndist fjölbreyttri miðlun á sérfræðiþekkingu innlends og erlends fagfólks í hlaðvörpum og fræðslumolum til félagsfólks.
![](/_next/image?url=https%3A%2F%2Fimages.prismic.io%2Fidan-arsskyrsla%2F3ade822f-4bdc-4e13-994c-b0458e983c0b_MAT-23-namsskeidsmyndir.jpg%3Fauto%3Dcompress%2Cformat%26rect%3D0%2C118%2C1280%2C1280%26w%3D1000%26h%3D1000&w=3840&q=75)
Sérfræðingar í bakstri og konfektgerð
Námskeið voru ýmist haldin á íslensku og ensku enda fjölgar fagfólki í matvæla og veitingagreinum sem er af erlendu bergi brotið.
Á árinu voru fengnir tveir erlendur sérfræðingar til landsins, þau Josep Pascual og Maria Myhre Mikkelsen sem héldu master-class námskeið bæði í bakstri og konfektgerð.
Norræna nemakeppnin
Norræna nemakeppnin í matreiðslu og framreiðslu var haldin í Osló í apríl. Keppendur frá Íslandi voru matreiðslunemarnir Hinrik Örn Halldórsson og Marteinn Rastrick hjá LUX veitingum. Í framreiðslu kepptu þeir Finnur Gauti Vilhelmsson nemi á Vox Brasserie og Benedikt E. Birnuson nemi hjá Matarkjallaranum. Þjálfari nemanna í matreiðslu var Gabríel Kristinn Bjarnason og Axel Árni Herbertsson þjálfaði framreiðslunemanna. Þeir Hinrik Örn og Marteinn unnu til gullverðlauna í matreiðslu og framreiðslunemarnir voru í þriðja sæti sæti. Keppnin var mjög jöfn í framreiðslu og munaði fáum stigum á efstu sætunum.
![](/_next/image?url=https%3A%2F%2Fimages.prismic.io%2Fidan-arsskyrsla%2F25d63228-8aa9-4e6e-bfc6-ca0f3e34bf64_MAT-23-namskeidbakstur.jpg%3Fauto%3Dcompress%2Cformat%26rect%3D0%2C100%2C1920%2C1080%26w%3D750%26h%3D422&w=3840&q=75)