Bílgreinar
Áfram hefur verið mikil ásókn í rafbílanámskeið sem vottuð eru af Institute of Motor Industry (IMI) í Bretlandi og því hefur þungamiðja námskeiðshalds á bílgreinasviði verið þar.
![](/_next/image?url=https%3A%2F%2Fimages.prismic.io%2Fidan-arsskyrsla%2Fe090be75-2c63-4958-a5f2-59643ca3f5a0_DSC06232.jpg%3Fauto%3Dcompress%2Cformat&w=3840&q=75)
Sigurður Svavar Indriðason
Námskeið á þrepi fjögur í þróun
Umboð jafnt og almenn verkstæði hafa verið dugleg að senda sitt fólk á rafbílanámskeiðin og er almennt mikil ánægja hjá þátttakendum. Á vorönn 2023 voru haldin 6 námkskeið á þrepi 2.2 og 8 á þrepi 3 sem samsvarar um 298 klst í kennslu. Byrjað var að vinna í því að geta boðið upp á námskeið á þrepi 4 þar sem áhersla er lögð á lifandi straum og háspennurafhlöðu. Einnig voru fengnir aðilar frá Bretlandi til að halda vottunarnámskeið í tengslum við meðhöndlun kælimiðla og ADAS kerfi.
Bílgreinasvið stóð að keppni í bifreiðasmíði og bílamálun með aðstoð kennara í þessum greinum á Íslandsmóti iðn- og verkgreina í mars. Stefnt er á að senda keppanda í bíliðngreinum á Euroskills 2025 sem haldið verður í Danmörku. Hlaðvörp og fjölbreytt miðlun fræðslu á vefnum eru einnig sívaxandi þáttur í fræðsluframboði bílgreina enda mikil framþróun í greinunum sem þarf stöðugt að fylgjast með.
![](/_next/image?url=https%3A%2F%2Fimages.prismic.io%2Fidan-arsskyrsla%2Fa9a3dd3a-ca00-418b-bb4f-04ac10150e98_BIL-gautaborg1-23.jpg%3Fauto%3Dcompress%2Cformat&w=3840&q=75)
Á bílamessunni í Gautaborg