Bygginga- og mannvirkjagreinar
Vistvænar byggingar og sjálfbærni hafa verið ofarlega á baugi í byggingariðnaðum að undanförnu og hefur Iðan hefur boðið upp á námskeið um málefnið. Þau hafa verið vel sótt og greinilega vaxandi áhugi meðal iðnaðarmanna. Má þar nefna námskeið um svansvottuð hús, vistvæn byggingarefni, meðhöndlun byggingarúrgangs og lífsferilsgreiningar.
Á döfinni er námskeið um hampsteypu og nýlega hlaut Iðan styrk úr Aski, mannvirkjarannsóknarsjóði til að þróa námskeið um loftþéttleikamælingar húsa. Á sviði öryggis og vinnuverndar voru boðin ný námskeið um röraverkpalla og fallvarnir. Einnig var hleypt af stokkunum nýju appi til skráningar á áhættumati við byggingarframkvæmdir. Appið má finna á PlayStore.
Á árinu var að nýju tekið upp samstarf við hóp gæðastjóra í verktakafyrirtækjum í byggingariðnaði. Hafa verið haldnir opnir fræðslu- og umræðufundir um gæðastjórnun í byggingariðnaði sem hafa verið vel sóttir í húsnæði Iðunnar og einnig í streymi á Teams.
Tekið var upp að nýju samstarf um endurmenntun fyrir garðyrkjumenn við Garðyrkjuskólann sems nú er hluti Fjölbrautaskóla Suðurlands en tilheyrði áður Landbúnaðarháskólanum.
![](/_next/image?url=https%3A%2F%2Fimages.prismic.io%2Fidan-arsskyrsla%2Fada6f68b-0965-4464-822e-b04dcca3ddcb_BYGG-23-minframtid-malarar.jpg%3Fauto%3Dcompress%2Cformat%26rect%3D0%2C100%2C1920%2C1080%26w%3D750%26h%3D422&w=3840&q=75)